ఓ లచ్చ గుమ్మడీ!

నిండు అమావాస్య నాడే ఓ లచ్చ గుమ్మడీ
ఆడ పిల్ల పుత్తినాదే ఓ లచ్చ గుమ్మడీ
అత్త తొంగి చూడలేదు ఓ లచ్చ గుమ్మడీ
మొగుడు ముద్దాడరాలె ఓ లచ్చ గుమ్మడీ

బట్టలల్ల సుట్టుకొని ఓ లచ్చ గుమ్మడీ
బాయిలో పడేయబోతే ఓ లచ్చ గుమ్మడీ
గంగమ్మ కొంగు (వొడి) సాపి ఓ లచ్చ గుమ్మడీ
సెల్లదానమియ్యమంది ఓ లచ్చ గుమ్మడీ

సెత్త గంపలేసుకొని ఓ లచ్చ గుమ్మడీ
సెత్త కుండిలెయ్యబోతె ఓ లచ్చ గుమ్మడీ
కుక్కపిల్ల అడ్డమొచ్చి ఓ లచ్చ గుమ్మడీ
అక్క అట్ల సేయకనే ఓ లచ్చ గుమ్మడీ

ఊపిరాడకుండనేమో ఓ లచ్చ గుమ్మడీ
బొంతమీద బొంత గప్తె ఓ లచ్చ గుమ్మడీ
సిల్లీరంద్రం నుండి ఓ లచ్చ గుమ్మడీ
సిన్నంగ చూస్తుంది ఓ లచ్చ గుమ్మడీ

పున్నమి దినము గోలె ఓ లచ్చ గుమ్మడీ
పుట్టకాడ పడవేస్తె ఓ లచ్చ గుమ్మడీ
నాగన్న పడిగె విప్పి ఓ లచ్చ గుమ్మడీ
గొడుగు బట్టిండమ్మ ఓ లచ్చ గుమ్మడీ

వురి బోసినట్లు నేను ఓ లచ్చ గుమ్మడీ
నల్లబూస దారం గడితే ఓ లచ్చ గుమ్మడీ
నల్లపూస దండలేమొ ఓ లచ్చ గుమ్మడీ
మల్లెపూల దండలాయె ఓ లచ్చ గుమ్మడీ

పాలు తాపనని నేను ఓ లచ్చ గుమ్మడీ
పంతాలు పట్టుకొంటె ఓ లచ్చ గుమ్మడీ
పాలసేపు దుంకిపోయి ఓ లచ్చ గుమ్మడీ
పాపనోట్లె బడ్డదమ్మొ ఓ లచ్చ గుమ్మడీ

వరిగింజ నోట్లో వేసి ఓ లచ్చ గుమ్మడీ
గొంతు బిస్క నెను పోతే ఓ లచ్చ గుమ్మడీ
పెదువులోమె అడ్డమొచ్చి ఓ లచ్చ గుమ్మడీ
పుల్కు పుల్కు నవ్వెనమ్మో ఓ లచ్చ గుమ్మడీ

కనుకున్న కడ్పుకోత ఓ లచ్చ గుమ్మడీ
కన్నీటి దారలాయె ఓ లచ్చ గుమ్మడీ
పేగుకోసి పెమ్చుకొన్న ఓ లచ్చ గుమ్మడీ
నా పాపనెట్లు పారేతూ ఓ లచ్చ గుమ్మడీ

ఆడదానితో అన్న మనిరి ఓ లచ్చ గుమ్మడీ
మొగోనితోనే పిల్లలనిరి ఓ లచ్చ గుమ్మడీ
మొగబిడ్డ చెయ్యని పాపం ఓ లచ్చ గుమ్మడీ
ఆడబిడ్డలేమి చేసే ఓ లచ్చ గుమ్మడీ
ఆడబిడ్డ లేనిదే ఓ లచ్చ గుమ్మడీ
లోకమెట్లు పుట్టిపెరిగె ఓ లచ్చ గుమ్మడీ

కన్నబిడ్డ మీదనే ఓ లచ్చ గుమ్మడీ
కన్న తల్లె పగపడితే ఓ లచ్చ గుమ్మడీ
నాకు దిక్కెవరని ఓ లచ్చ గుమ్మడీ
బిక్కు బిక్కు ఏడ్సె బిడ్డ ఓ లచ్చ గుమ్మడీ
చిట్టి చిట్టి కండ్లతోని ఓ లచ్చ గుమ్మడీ
సూటి ప్రశ్న వేసె బిడ్డ ఓ లచ్చ గుమ్మడీ

నేను సెత్తల్లో పారెయ్యనమ్మా ఓ లచ్చ గుమ్మడీ
నా పొత్తిల్లో దాసుకుంటా ఓ లచ్చ గుమ్మడీ
నేను బావిలో పడెయ్యనమ్మా ఓ లచ్చ గుమ్మడీ
నేను వొరిగింజ వేసి చంపా ఓ లచ్చ గుమ్మడీ
నేను వురిపోసి చంపుకోను ఓ లచ్చ గుమ్మడీ

నిన్ను సమ్మక్కను చేస్తా ఓ లచ్చ గుమ్మడీ
సారక్కను చేస్తా ఓ లచ్చ గుమ్మడీ
అక్కా శోభక్కను చేస్తా ఓ లచ్చ గుమ్మడీ
చెల్లీ కుమారిని చేస్తా ఓ లచ్చ గుమ్మడీ
---- గద్దర్ పాటలు (1997-98) నుండి. సేకరణ సత్యం. ఓచ్త్ 1999,
జనంపాట ప్రచురణలు, భూదేవి నగర్, వెంకటాపురం, సికింద్రాబాదు
-15. వెల- రూ 15.